नेपालगञ्ज, प्रजातान्त्र दिवसको अवसरमा शुक्रबार बाँकेमा पनि विभिन्न कार्यक्रम गरिएको छ । सरकारी र निजी स्तरबाट दिवसमा विभिन्न कार्यक्रम भएका छन ।
दिवसको अवसरमा नेपालगञ्ज उद्योग वाणिज्य संघले भेरी अस्पतालमा रहेका विरामीहरुलाई फलफुल वितरण गरेको छ ।
संघका अध्यक्ष अव्दुलवाहिद मन्सुरी(चुन्ना), प्रबक्ता टंकप्रसाद शर्मा लगायतको सहभागितामा अस्पतालमा रहेका विरामीहरुलाई फलफुल वितरण गरिएको हो ।
सो अवसरमा बाँकेका प्रमुख जिल्ला अधिकारी रामवहादुर कुरुम्बाङ, भेरी अस्पतालका प्रमुख डा. प्रकाश थापा लगायतको पनि उपस्थिती थियो ।