काठमाडौं। काठमाडौं उपत्यकामा बिहीबारदेखि फुटपाथ पसल र ठेला व्यापार पनि गर्न पाइने भएको छ ।
काठमाडौं,ललितपुर र भक्तपुरका प्रमुख जिल्ला अधिकारीको बुधबार बसेको संयुक्त बैठकले मापदण्ड बनाएर यातायात, पसल सञ्चालन गर्न दिइने तर अन्य क्षेत्रको निषेधाज्ञा ३१ गतेसम्म थप्ने निर्णय गरेको हो ।
प्रशासनका अनुसार फुटपाथ पसल, ठेला व्यापार, स्टेशनरी पसलहरु, इलेक्ट्रिक र इलेक्ट्रोनिक्स पसलहरु र डिपार्टमेन्टल स्टोरहरु बिहान ११ बजेसम्म र बेलुकी ४ बजेदेखि ७ बजेसम्म खोल्न पाइनेछ ।
औषधिजन्य लगायत अत्यावश्यक पसल जुनै पनि बेला खोल्न पाइनेछ भने अन्य पसल सञ्चालनका लागि विभिन्न शर्त र समय तोकिएको छ ।
धार्मिक स्थल जस्तै ( मठमन्दिर, गुम्बा, मस्जिद, चर्च खुल्ने छैनन् ।
शैक्षिक संस्था, जिमखाना, खेलकुद, पार्टी प्यालेस, फिल्म हल, पुस्तकालय, सङ्ग्रहालयलगायतका क्षेत्र भने बन्द नै रहने छन् ।
