काठमाडाैं। चक्रपथ विस्तारको दोस्रो चरणअन्तर्गत ‘साइड क्लियरेन्स’ अन्तरगत नयाँ बसपार्कस्थित गाेंगबु चाेकमा रहेकाे आकाशे पुल भत्काइएको छ ।
भौतिक पूर्वाधार तथा यातायात मन्त्रालयको निर्देशनपछि बिहीबार रातिबाट काठमाडौं महानगरपालिकाले पुल भत्काएको हो ।
पुल निकालिएपछि पुलमा प्रयोग भएका सामग्रीहरु नगरपालिकाले जिम्मा लिने सडक आयोजना प्रमुख अर्जुन सुवालले जानकारी दिए ।
पुलका पिलरहरु पनि चाँडै भत्काउनु पर्ने भए तापनि व्यापारीहरुले सटर प्रयोग गरिरहेकाले तत्काल भत्काउन नसकिएको उनको भनाइ छ ।
आइतबार मन्त्रालयमा बसेको बैठकले सडक विस्तारका क्रममा अवरोध हुनसक्ने ‘हाई भोल्टेज टावर’ रहेका बिजुलीका पोल हटाउने निर्णय गरेको थियो ।
निर्णयअनुसार नै मन्त्री नेम्वाङ्ले सडक आसपासका बिजुलीका पोलहरु एक महिनाभित्रै हटाउन विद्युत प्राधिकरणलाई निर्देशन दिएको छ।