नेपालगञ्ज, चितवनमा मंसिर १० देखि १२ गते हुने नेकपा एमालेको १० औं राष्ट्रिय महाधिवेशन सफल पार्न बाँकेमा पनि तिव्रस्तरमा तयारी भईरहेको छ ।
महाधिवेशनमा बढि भन्दा बढि नेता कार्यकर्ताको सहभागिताका लागि बाँकेमा हाल वडा कमिटीहरुको बैठक चलिरहेका छन् । यसैक्रममा शुक्रबार खजुरा गाउँपालिका वडा नम्बर ४ वडा कमिटीको बैठक सम्पन्न भएको छ । वडा अध्यक्ष वल वहादुर कठायतको अध्यक्षतामा भएको बैठकले महाधिवेशनको उद्घाटन सत्रमा वडा कमिटीबाट सहभागिता हुने निर्णय गरेको छ ।
वडाभित्रका प्रत्येक पार्टी सदस्यबाट एकसय रुपियाँ संकलन गरि केन्द्रमा जम्मा गरिने भएको छ । बैठकले साविकका वडा समेटेर ५ वटा टोल कमिटी गठन गर्दै त्यसका लागि जिम्मेवारी तोकेको उपसचिव मदन रत्न केसीले बताउनुभयो ।
बैठकमा जिल्ला सचिवालय सदस्य तथा वडा इन्चार्ज सतिश निरौला, खजुरा गाउँपालिका कमिटीका उपाध्यक्ष झकवहादुर पौडेल, जिल्ला कमिटी सदस्यहरु देवराम विसी, तिलकवीर सुनार, निर्मल खनाल लगायतले शुभकामना मन्तव्य ब्यक्त गर्नुभएको थियो ।
बैठक अघि वडा अधिवेशनबाट निर्वाचित पदाधिकारी तथा सदस्यहरुलाई इन्चार्ज निरौलाले सपथग्रहण गराउनुभएको कमिटीका उपाध्यक्ष रितु गिरीले जानकारी दिनुभयो ।
