ह्युम पाईप उद्योग संघ नेपालको अध्यक्षमा सिन्धुपाल्चोकका कुल प्रसाद आचार्य निर्वाचित

काठमाडौं । गणतान्त्रिक लोकतन्त्रको प्रयोग गर्ने शिलसिलामा हरेक ब्यवसायमा लागेका ब्यवसायीहरुको हकहितको लागि संघ संस्था बनाउने प्रकृया अहिलेपनि चलिरहेकै छ ।
करिब १२ बर्ष देखि ह्युम पाईप बनाउने ब्यवसायीहरुको उत्थानको लागि गठन गरिएको ह्युम पाईप उद्योग संघ नेपालले हालै नयाँ नेतृत्व पाएको छ ।
असोज ६ गते सम्पन्न ह्युम पाईप उद्योग संघ नेपालको १२ औ साधारण सभाबाट अध्यक्षमा सिन्धुपाल्चोक बलेफी ०६का कुल प्रसाद आचार्य लगायत सम्पूर्ण कार्य समिति निर्विरोध निर्वाचित भएको हो ।
उक्त निर्वाचनलाइ सर्वसम्मत बनाउन भुमिका निभाउनु हुने देशका विभिन्न भागबाट पाल्नु भएका यस व्यवसायका अग्रजलगायत सम्पूर्ण व्यवसायी हरुलाई नव निर्वाचित अध्यक्ष कुल प्रसाद आचार्यले हार्दिक आभार ब्यक्त गर्नु भएको छ ।
लामो समय सरकारी सेवामा रहेर अवकाश लिनु भएका आचार्यको नेतृत्वमा निर्वाचित नयाँ कार्यसमितिले यो संघलाई थप उचाईमा पुर्याएर आम ह्युम पाईप ब्यवसाय भित्र रहेका समस्याहरुको समाधानको लागि अगाडी बढ्ने बिस्वास गरिएको छ ।