नेपालगन्ज, बाँके युनेस्को क्लबले बर्दियाको मधुवन नगरपालिकामा युवा दूतहरूसँग अभिभावक शिक्षा सत्र सहित समीक्षा र योजना तर्जुमा बैठक सम्पन्न गरेको छ ।
क्लबले प्लान इन्टरनेशनल नेपालसँगको साझेदारीमा सञ्चालन गरेको सुरक्षा परियोजना अन्तर्गत सो बैठक सम्पन्न गरेको हो ।
उक्त बैठकमा मधुबन नगरपालिकाका १६ जना युवा दूतहरूको सक्रिय सहभागिता रहेको थियो भने उनिहरुले मानव तथा बाल बेचबिखन विरुद्ध अभियान संचालन गर्न बिभिन्न कार्य योजना प्रस्तुत गरेका थिए ।
मधुवनका युवा दूतहरुले तयार गरेको योजनाहरुमा सामाजिक सञ्जालमार्फतको अभियान, ह्यासट्याग मानब बेचबिखन बिरुद्धको अभियान, सामाजिक ब्यबहार परिवर्तन संचार सम्बन्धि भिडियो र वृत्तचित्र प्रदर्शन गर्ने, साताको भेटमा बाल बेचबिखनका कुरा शीर्षकको छलफल, सडक नाटक र ¥यालीहरू मार्फत मानवबेचविखन रोक्ने बिषयलाई समावेश गरिएको बाँके युनेस्को क्लबले जनाएको छ ।
क्लबका प्रमुख संरक्षक प्रवेज अलि सिद्दिकीका अनुसार बैठकमा मानव बेचबिखन, त्यसको मूल कारण, न्यूनीकरणका उपायहरू, बाल बेचबिखन रोक्न अभिभावकको भूमिका र आफ्ना बच्चाहरूलाई सबै प्रकारका हिंसाबाट कसरी जोगाउने भन्ने विषयमा अभिभावक शिक्षा सत्रमा युवा दूतहरूलाई अभिमुखीकरण गरिएको थियो ।
बैठकको सहजीकरण परियोजना संयोजक ईश्वर बीकेले गर्नुभएको थियो भने फिल्ड सुपर भाईजर सावित्रा भाटले सहजीकरणमा सहयोग गर्नु भएको थियो ।
साथै सो अवसरमा बाँके युनेस्को क्लबका अध्यक्ष रवि कुमार तुलाधर, प्रमुख संरक्षक पव्रेज अली सिद्दीकी, कोषाध्यक्ष फिरदोस जहाँको बिशेष उपस्थिति रहेको थियो ।
क्लबले सञ्चालन गरेको सुरक्षा परियोजना मार्फत राजापुर र मधुबन नगरपालिकाका गरि जम्मा ४० जना युवा दूतहरुलाई मानब बेचबिखन बिरुद्धको अभियानमा परिचालन गरिएको छ ।
