नेपालगंज, नेपाल रेडक्रस सोसाइटी केन्द्रीय कार्यालयको आयोजनामा सामुदायिक संलग्नता तथा जवाफदेहिता अन्र्तगत सामुदायिक सूचकाँक सर्वेक्षणको प्रतिवेदन प्रस्तुती तथा पृष्ठपोषण डिजिटलाइजेसन कार्यशाला नेपालगंजमा सम्पन्न भएको छ ।
बाँके जिल्लामा मे २०२५ मा भएको सर्वेक्षणबाट आएको सुझावलाई प्रस्तुतीकरण गरिएको थियो ।
कोबो अनलाइन टूलको प्रयोग, लक्षित समुह छलफल र मुख्य सूचनादाता अन्तरवार्ताको विधि प्रयोग गरी सूचना संकलन गरिएको थियो । बाँके जिल्लामा ४ सय १२ घरधुरीमा गरिएको सर्वेक्षणमा १६ देखि ४३ वर्ष उमेर समूहका महिला पुरुषहरुको बढी सहभागिता रहेको थियो ।
नेपाल रेडक्रस सोसाइटीले नमुनाका रुपमा सुदूरपश्चिम, लुम्बिनी र बागमति प्रदेशका ७ वटा जिल्लामा ६८ जना स्वयंसेवक परिचालन गरिएको थियो ।
सर्वेक्षणले नेपाल रेडक्रस सोसाइटीको संस्थागत विश्वास बलियो देखाएको छ । अधिकाँस सूचनादाताहरुले संस्थाको क्षमता, मुल्य र कार्यशैली प्रति सकरात्मक धारणा व्यक्त गरेका छन् तर पारदर्शिता, समुदायको सूचनामा पहँुच÷सहभागितालाई अझ बलियो बनाउन सकेमा विश्वासको स्तर थप मजबुत हुने सुझाव आएको छ । बाँके रेडक्रसको दक्षता र मूल्य मान्यताको विषयमा समुदायले राम्रो धारणा व्यक्त गरेको प्रतिवेदनमा देखिएको छ ।
समुदायले लाभग्राही छनौट, जनचेतना मुलक सूचना टोल टोलमा नपुगेको, स्थानीय भाषा कम प्रयोग भएको, सूचनामा पहुँच नभएको र राजनीतिक हस्ताक्षेप भएको गुनासो समेत गरेका छन् ।
आएको गुनासोलाई ग्रहण गर्दै नेरेसो बाँके शाखाका सभापति गोवर्धन सिंह सम्झनाले समुदायले रेडक्रस प्रति देखाएको सदभाव प्रति धन्यवाद दिदै आएको सूचनाको आधारमा हामी सुधार गर्दै लैजाने प्रतिबद्धता व्यक्त गर्नु भयो ।
नेपाल रेडक्रस सोसाइटी बाँके शाखाका सभापति गोवर्धन सिंह सम्झना, मन्त्री अजीज अहमद सिद्धिकी कोषाध्यक्ष राकेशबहादुर श्रीवास्तव, उपकोषाध्यक्ष दुखीराम लोनिया, उपमन्त्री तेजबहादुर सुवेदी, १७ उपशाखाका सभापति र प्रतिनिधि तथा कर्मचारीहरुको सहभागिता रहेको थियो भने अभिमुखीकरणको सहजीकरण केन्द्रिय कार्यालयका सरिता ढुंगाना र शर्मिला कर्माचार्यले गर्नुभएको थियो ।
