गुल्मी। गुल्मीको रूरूक्षेत्र गाउँपालिका ५ मा पहिरोले घर पुर्दा एकै परिवारका चार जनाको मृत्यु भएको छ।
पहिरोले घर पुरिँदा रूरूक्षेत्र ५ बम्घा आटीपाटाकी ३० वर्षीया बिना माझी (बोटे), उनका छोराहरु ९ वर्षीय सागर, ७ वर्षीय हेमन्त र १० महिनाकी छोरी बिनिताको घटनास्थलमै मृत्यु भएको हो।
बिनाका पति राजु माझी (बोटे) भने रोजगारीको सिलसिलामा भारतमा छन्।
उद्धारका प्रहरी टोली घटनास्थलतर्फ प्रस्थान गरेको जिल्ला प्रहरी कार्यालय गुल्मीले जनाएको छ।