नेपालगञ्ज, नेपालगञ्ज उपमहानगरपालिका वडा नम्बर १८ को विशालनगरचोकमा हाईमाष्ट लाईट जडानका लागि बिहिबार शिलान्यास गरिएको छ ।
वडा अध्यक्ष दिपक वर्माले हाईमाष्टलाईट जडानका लागि शिलान्यास गर्नुभएको हो । वडा कार्यालयको आठ लाख २५ हजारको लागतमा हाइमाष्ट लाईट जडान हुन लागेको हो । वडा अध्यक्ष वर्माले तेजनगरमा हाईमाष्ट लाईट शिलान्यास गरेको एक महिना नपुग्दै विशालनगर चोकमा अर्को हाईमाष्ट लाईटको शिलान्यास गर्नुभएको हो ।
विशालनगर र तेजनगर भन्दा पहिले गतवर्ष नै कारकादौंमा यसअघि वडा कार्यालयको लागतमा २ वटा हाईमाष्ट लाईट जडान भईसकेको छ ।
वडा अध्यक्ष वर्माले सबै टोल र वस्तीलाई प्राथमिकतामा राखेर विकास निर्माणका कार्य अघि बढाइएको बताउनुभयो । कार्यक्रममा वडा सदस्य दिग्विजय ढुंगाना लगायत टोलबासीको उपस्थिती रहेको थियो ।
