नेपालगञ्ज, नेकपा एमाले सम्वद्ध युवा संघ बाँकेको जिल्ला भेलाले कुश्माखर बस्यालको अध्यक्षतामा ५७ सदस्यीय कार्यसमिति सर्वसम्मत चयन गरेको छ ।
कमिटीको उपाध्यक्षमा मिलन शाह र राजु तामांग, सचिवमा सुनील रसाईली,सहसचिवमा कलामुद्धिन मनिहार र कोषाध्यक्षमा हेमन्ता चौधरी सहितको कार्य समिति चयन गरिएको हो ।
शुक्रबार नेपालगञ्जमा भएको युवा भेलाले बस्यालको अध्यक्षतामा नयाँ कार्य समिति चयन गरेको हो । अध्यक्ष बस्याल, उपाध्यक्ष शाह र तामांग युवा संघको जिल्ला अधिवेशनबाट पनि निर्वाचित पदाधिकारी हुनुहुन्छ ।
नवनिर्वाचित कमिटीलाई नेकपा बाँकेका सचिव रत्न खत्री लगायतले शुभकामना ब्यक्त गर्नुभयो ।
अध्यक्ष बस्यालले युवा संघलाई सशक्त संगठनको रुपमा अघि बढाउने प्रतिवद्धता ब्यक्त गर्नुभयो । उहाँले युवाका मुद्धालाई सम्बोधनका लागि पार्टी र सरकारको ध्यानाकर्षण ब्यक्त गर्नुभयो ।
