काठमाडौँ । नेपाली राष्ट्रिय फुटबल टिमका एक खेलाडी कोरोनाभाइरस संक्रमित भएका छन् ।
बन्द प्रशिक्षणमा बोलाइएका एकजना खेलाडी कोरोना संक्रमित भएको अखिल नेपाल फुटबल संघ (एन्फा)का प्रवक्ता किरण जानकारी दिए।
गएको सोमबार र मंगलबार गरी दुई दिन विश्वकप र एसियाली छनोटका लागि बन्द प्रशिक्षणमा बस्नका लागि खेलाडी, प्रशिक्षक, व्यवस्थापकसहित ५४ जनाको ‘पीसीआर’ परीक्षण गरिएकामा एक खेलाडीमा कोरोना देखिएको हो ।
उनको पहिलो रिपोर्टमा कोरोना देखिएपछि बिहीबार पुनः गरिएको परीक्षणमा पनि ‘पोजिटिभ’ देखिएको हो । उनी आफ्नै घरमा ‘आइसोलेसन’मा रहेको प्रवक्ता राईले बताए ।
सरकारले भने यसअघि नै फुटबलबाहेकका सबै खेलकुदको प्रशिक्षणलगायतका कार्यक्रम रोकेको थियो।
