चितवन। चितवनमा एउटै गणका ४२ जना सशस्त्र प्रहरीमा कोरोना सङ्क्रमण पुष्टि भएको छ ।
चितवनको राप्ती नगरपालिका-६ भण्डारामा रहेको सशस्त्र प्रहरीको विपद् व्यवस्थापन गण ३ नम्बर बाहिनीमा कार्यरत ४२ जना सशस्त्र प्रहरीसहित ४६ जनामा कोरोना सङ्क्रमण पुष्टि भएको हो ।
भरतपुर अस्पताल कोभिड-१९ प्रयोगशालामा गएराति गरिएको परीक्षणमा २ महिलासहित ४२ जना सशस्त्र प्रहरीमा कोरोना सङ्क्रमण पुष्टि भएको हो ।
कुल ६० जनाको परीक्षण गर्दा ४६ जनामा सङ्क्रमण पुष्टि भएको हो । यस्तै विभिन्न अस्पतालमा उपचारका लागि आएका ४ जनामा पनि कोरोना सङ्क्रमण पुष्टि भएको छ ।
सङ्क्रमित सशस्त्र प्रहरीमध्ये १५ जनामा लक्षण देखिएको छ भने अन्यमा कुनै लक्षण देखिएको छैन।
यसअघि त्यही गणमा कार्यरत ८ जनामा सङ्क्रमण पुष्टि भएको थियो । उनीहरुमध्ये दुई जनाको भरतपुर अस्पतालमा उपचार भइरहेको छ भने अन्य ६ जना त्यही गणमा छन् ।
