काठमाडौं उपत्यकामा थप ४३१ जनामा कोरोना पुष्टि

काठमाडौँ। काठमाडौं उपत्यकामा पछिल्लो २४ घण्टामा ४३१ जना कोरोना सङ्क्रमित थपिएका छन्।

स्वास्थ्य मन्त्रालयले दिएको जानकारीअनुसार आज काठमाडौंमा ३७७ जनामा, ललितपुरमा ३७ जनामा र भक्तपुरमा १७ जनामा सङ्क्रमण देखिएको छ।

योसँगै काठमाडौं उपत्यकामा कूल कोरोना सङ्क्रमितको संख्या ११ हजार १३९ पुगेको छ।

यस्तै पछिल्लो २४ घण्टामा नेपालमा थप १ हजार २०२ जनामा कोरोना भाइरस (कोभिड–१९) संक्रमण पुष्टि भएसंगी देशभर कुल संक्रमितको ५३ हजार १२० पुगेको छ।