काठमाडौं। पछिल्लो २४ घण्टामा काठमाडौं उपत्यकामा ७२४ जनामा कोरोनामा संक्रमण पुष्टि भएको छ।
काठमाडौंमा २० वर्षीय पुरुष, ७४ वर्षीय पुरुष, ललितपुरमा ७६ वर्षीय पुरुष र भक्तपुरमा ८८ वर्षीय पुरुषको मृत्यु भएको स्वास्थ्य तथा जनसंख्या मन्त्रालयले जनाएको छ।
काठमाडौंका ५८३, भक्तपुरका ६३ र ललितपुरका ७८ जनामा कोरोना भाइरस संक्रमण पुष्टि भएको मन्त्रालयले जनाएको छ।
त्यस्तै पछिल्लो २४ घण्टामा नेपालमा १२ सय ७ जनामा कोरोना संक्रमण पुष्टि भएको छ।
स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमका अनुसार योसँगै कोरोना संक्रमितको संख्या ७१ हजार ८२१ पुगेको छ।