नेपालगञ्ज,नेपालगञ्ज उपमहानगरपालिका फुल्टेक्रा आँखा अस्पताल रोडमा थोक तथा फुटकर खाद्यान्न पसल संचालनमा आएको छ ।
विगत लामो समय देखि घरबारी टोलमा कपडाको व्यापार गर्दै आउनुभएका हाजी रज्जब अलि अन्सारीले फुल्टेक्रामा अन्सारी क्लाथ स्टोर्स संचालनमा ल्याउनुभएको हो ।
आज एक कार्यक्रमकाबीच पसलको उद्घाटन गरिएको छ । मुस्लिम परम्परा अनुसार विभिन्न कार्यक्रम गरि पसलको उद्घाटन गरिएको हाजी अन्सारीले बताउनुभयो । उहाँले खाद्यान्नको सुपथ मूल्यका लागि थोक तथा फुटकर खाद्यान्न पसल संचालन गरिएको जानकारी दिनुभयो ।
कार्यक्रममा बोल्दै प्रदेश सांसद याकुब अन्सारीले गुणस्तरीय सेवा दिन सुझाव दिनुभयो । उहाँले उपभोक्ताहरुलाई गुणस्तरीय र स्वस्थ खाद्यान्न उपलब्ध गराउन आग्रह गर्नुभयो ।
कार्यक्रममा वडा नम्बर ५ का वडा अध्यक्ष कैफुलवरा जोलाहले उपभोक्ताहरुलाई सस्तो र सुलभ मूल्यमा उपभोग्य सामाग्री उपलब्ध गराउन सुझाव दिनुभयो ।
कार्यक्रममा नेकपा नेता हारुन कादरी, मुस्लिम धर्मगुरुहरु, र नेपालगञ्जका व्यापारी लगायतको उपस्थिति रहेको थियो । उनीहरु सबैले शुभकामना तथा बधाइ समेत दिएका थिए ।
थोक खाद्यान्न पसल फुल्टेक्रामा संचालन भएपछि डुडुवा र राप्तीपारीका उपभोक्ता तथा किराना व्यवसायीहरुलाई सहजता मिलेको छ ।
