मंसूर अली इद्रिशी
नेपालगञ्ज,आफुलाई प्रहरी निरीक्षकको रुपमा चिनाउँदै बाँकेको कोहलपुर क्षेत्रमा सर्वसाधारणलाई दुःख दिने एक ब्यक्तिलाई प्रहरीले पक्राउ गरेको छ । सल्यान दार्माकोट गाउँपालिका २ का ३२ बर्षिय दिपेन्द्र रोकायलाई शनिबारराती पक्राउ गरिएको जिल्ला प्रहरी कार्यालय बाँकेले जनाएको छ ।
रोकायले कोहलपुरको बसपार्क क्षेत्रमा रहेका होटल र पसलमा आफुलाई नेपाल प्रहरीको सिआईवी निरीक्षक भन्दै डरत्रास देखाई धाक धम्की दिईरहेको अवस्थामा पक्राउ गरिएको जिल्ला प्रहरी कार्यालय बाँकेका प्रमुख प्रहरी उपरीक्षक श्यामकृष्ण अधिकारीले जानकारी दिनुभयो ।