“म्राङ्सेम खाबा” गीतको म्युजिक भिडियो मार्फत तामाङ गीत संगीतको मोडलिङको दुनियाँमा नव मोडल गौतम गोलेले आफ्नो कदम अगाडि बढाएका छन् । हाल रोजगारीको सिलसिलामा दक्षिण कोरियामा रहेका मोडल गोले लाई हाना लामाले उनलाई अभिनयमा साथ दिएकी छिन् । गीतको भिडियोमा मोडल गोले स्वयंकै निर्देशन रहेको छ भने भिडियो सम्पादन र रङ्ग सम्पादन पनि उनैले गरेका हुने । दक्षिण कोरियाको रमणीय स्थानहरूमा छायांकन गरिएको दृश्यले यस म्युजिक भिडियोलाई अझ थप सुन्दर बनाउने काम गरेको छ ।
यस गीतमा रुपेन मोक्तानको शब्द रहेको छ भने संगीत छेडुप मोक्तानको रहेको छ । गीतलाई फणीन्द्र राईले संगीत संयोजन गरेका हुन् । गायक सन्तोष लामा र गायिका पुजा लामाको युगल आवाज रहेको यस गीतले प्रेमी प्रेमिका बिचको प्रेमिल सम्बन्धलाई उजागर गर्न खोजेको छ । यस गीतको म्युजिक भिडियो “गौतम गोले अफिसियल” युट्युब मार्फत सार्वजनिक भएको छ ।
भिडियो हेर्नुहोस् ;
