काठमाडौं । कोरोना संक्रमणबाट थप दुई जनाको निधन भएको छ ।
स्वास्थ्य तथा जनसंख्या मन्त्रालयका अनुसार एक महिला र एक पुरुषको निधन भएको हो ।
योसमेत देशभर कोरोना संक्रमण भएर निधन हुनेको संख्या एक सय चार पुगेको छ ।
मन्त्रालयका प्रवक्ता डा जगेश्वर गौतमले पर्सा जिल्लाका एक पुरुष र मोरङ जिल्लाकी एक महिलाको मृत्यु भएको जानकारी दिए ।
हालसम्म मृत्यु हुनेमा पुरुष ८१ जना र महिला २३ जना छन् ।
त्यस्तै, आज देशभर ६४१ जना कोरोना संक्रमित थपिएका छन्। यो सँगै देशभर कोरोना संक्रमितको संख्या २६,६६० पुगेको छ।