जारी सिजनको च्याम्पियन्स लिगको सेमिफाइनल अन्तर्गत हिजो राति भएको खेलमा जर्मनी क्लब बायर्न म्युनिखले फ्रेन्च क्लब लियोनलाई ३-० गोल अन्तरले हराउँदै च्याम्पियन्स लिगको फाइनलमा प्रवेश गरेको छ । पोर्चुगलको लिस्बनमा भएको सो खेलमा बायनले आफ्नो शान्दार लयलाई कायम राख्दै जित दर्ता गर्दा फाइनलमा पिसजी सँग उपाधी भिडन्त पक्का गरेका हुन् । यस अघि उसले क्वाटरफाइनलमा स्पेनिस् महारथी क्लब बार्सिलोनालाई ८-२ को भारी गोल अन्तरले पराजित गरेका थिए ।
हिजो भएको खेलमा बायर्नले लियोनलाई पराजित गर्ने क्रममा खेलको १८ औं मिनेटमा नाब्रीले जोसुआ किमिचिको पासमा गोल गर्दै बायर्नलाई सुरुवाती अग्रता दिलाए । ३३ औं मिनेटमारोबर्ट लेवन्डोवस्किले प्रहार गरेको बल लियोनका गोलकिपरले रोक्न खोज्दा फर्किएको बलाई नाब्रीले वान टच गोल गर्दै व्यक्तिगत दोस्रो गोल गरे ।
पहिलो हाफमा बायार्न २-० ले अघि रह्यो ।
फिलिप्पे काउटिन्होले ८०औं मिनेटमा गोल गरेपनि रेफ्रीले उक्त गोललाई अफसाइड दिँदै रद्द गरे । त्यसपछि ८८ औं मिनेटमा लेवान्डोस्कीले गोल गर्दै बायर्नलाई ३-० गोलको जित दिलाए ।
