युरोपका शीर्ष पाँच लिगका सर्वाधिक गोलकर्ताले पाउने गोल्डेन बुट यस वर्ष अर्थात् सिजन २०१९/२० को गोल्डेन बुट इटालियन क्लब लाजियोका सिरो इम्मोबिलेले जितेका छन् । सिरी ए लिग अन्तर्गत ३६ गोल गर्दै उनले सिरी ए लिगकै उनका प्रतिस्पर्धी कृष्टियानो रोनाल्डो र जर्मन लिगका रोवर्ट लेवान्डोस्की लाई पछि पर्दै उपाधी जितेका हुन् । जारी सिजन लिगमा लेवान्डोस्कीले ३४ र रोनाल्डोले ३१ गोल गरेका छन् ।
यससँगै इम्मोबिलेले सिरी ए लिग तेस्रोपटक गोल्डेन बुट प्राप्त गरे । यस अघि उनले २०१३/१४ को सिजनमा २२ गोल गरेका थिए भने २०१७/१८ को सिजनमा २९ गोल गरेका थिए तर युरोपियन गोल्डेन बुट भने जित्न सकेका थिएनन् ।
यस सिजन उनले युरोपियन गोल्डेन बुट प्राप्त गरेसँगै सिरी ए लिगमा रहेको हिगुइन गोल्जालोको ३६ गोलको किर्तिमानीसँग बराबरी गरे ।
